Azarkeşlərimizi sevindirmək üçün əlimizdən gələni edəcəyik - Kamilo Duran
Bizi izləyin
Aptekonline

İdman

Azarkeşlərimizi sevindirmək üçün əlimizdən gələni edəcəyik - Kamilo Duran

"Qarabağ"ın futbolçusu Kamilo Duran Bakıda "Nyukasl"a qarşı keçirəcəkləri UEFA Çempionlar Liqasının pley-off mərhələsinin ilk oyunu ilə bağlı danışıb.

Publika.az xəbər verir ki, o, İngiltərə təmsilçisi ilə qarşılaşma barədə bunları deyib:

“Sabah tarixi oyun olacağının fərqindəyik. Azarkeşlərimizi sevindirmək üçün əlimizdən gələni edəcəyik, var gücümüzlə mübarizə aparacağıq. İngiltərə klubları çox sürətlidirlər. “Çelsi” və “Liverpul”la oyunlarda bunu hiss etdik. Bu məqamla uyğunlaşmağa çalışacağıq”.

Cari mövsümdə 4 dəfə fərqlənən forvard əfsanəvi həmyerliləri Radamel Falkao və Cekson Martinezin ÇL-də 5 və daha çox qol vurmaq rekordunu təkrarlamaq istədiyini bildirib:

“Buna hazıram. İstəyim budur. Bütün həftə boyu “Nyukasl”la oyun üçün hazırlaşmışıq. Qol vurmağı və bu nailiyyəti təkrarlamağı hədəfləyirəm”.

Qeyd edək ki, görüş fevralın 18-də, saat 21:45-də Tofiq Bəhramov adına Respublika stadionunda start götürəcək.

Heybət

Oxumağa davam et
Reklam
Reklam

Gündəm

Aptekonline