"Real" PSJ-nin ulduzunu hədəfə aldı: 100 milyon ödəməyə hazırdılar

"Real" klubu PSJ-nin sağ cinah hücumçusu Dezire Dueni yaxından izləyir.

Publika.az xəbər verir ki, bu barədə "El Nacional" məlumat yayıb.

Bildirilir ki, İspaniya nəhəngi istedadlı futbolçunun transferini 2026-cı ilin yay transfer pəncərəsində reallaşdırmağı planlaşdırır. "Kral klubu" 20 yaşlı fransız oyunçu üçün 100 milyon avro ödəməyə hazırdır. Bundan əlavə, Madrid təmsilçisi oyunçuya Parisdə olduğundan daha çox oyun praktikası vəd edərək onu transfer etməyə çalışacaq.

Duenin PSJ ilə mövcud müqaviləsi 2029-cu ilin iyun ayının sonuna qədər qüvvədədir.

Xatırladaq ki, Due 2024-cü ilin yayında "Renn" klubundan Fransa nəhənginə transfer olunub. O, bu müddət ərzində Paris klubunun heyətində 84 oyuna çıxıb, 24 qol vurub və 21 məhsuldar ötürmə edib. 2025/26 mövsümündə isə 23 matçda iştirak edib, 8 qol vurub və 5 qolun ötürməsini verib. Futbolçu ümumilikdə meydanda 1333 dəqiqə keçirib.

20 yaşlı oyunçu artıq Fransa milli komandasının heyətində də 5 oyun keçirib və 1 qol vurub.

Heybət