İdman

Çempionlar Liqası: Nəhənglər üz-üzə

11 Mart 2026 10:10

UEFA Çempionlar Liqasında 1/8 finalı mərhələsi davam edir.

Publika.az xəbər verir ki, bu gün ilkin oyunlara yekun vurulacaq. 4 qarşılaşma baş tutacaq.

Öncə meydana "Bayer Leverkuzen" və "Arsenal" komandaları çıxacaq. Bu duel Almaniyada reallaşacaq və saat 21:45-də başlayacaq,

Gecəyarı isə azarkeşləri iki maraqlı matç gözləyir. Ən maraqlı qarşılaşma "Real" və "Mançester Siti" arasında baş tutacaq. Son illər bu mərhələdə tez-tez üz-üzə gələn Avropa nəhəngləri ilk olaraq Madriddə münasibətlərinə aydınlıq gətirəcəklər.

Çempionlar Liqasının qalibi PSJ isə klublararası dünya çempionatının finalında məğlub olduğu "Çelsi"ni qəbul edəcək.

Digər matçda isə turnirin süpriz komandası "Bodo/Qlimt" Portuqaliya "Sportinq"ini qəbul edəcək.

UEFA Çempionlar Liqası: 1/8 final cavab oyunları
11 mart
21:45 Bayer L - Arsenal
00:00 Real - Mançester Siti
00:00 PSJ - Çelsi
00:00 Bodo/Qlimt - Sportinq

Heybət