Stadionu marixuana qoxusu bürüdü: Vinisiusun klubu cərimələndi
Bizi izləyin
Aptekonline

İdman

Stadionu marixuana qoxusu bürüdü: Vinisiusun klubu cərimələndi

“Real”ın hücumçusu Vinisius Juniorun səhmdarlarından biri olduğu Portuqaliyanın “Alverka” klubu qeyri-adi səbəbə görə cərimələnib.

Publika.az xəbər verir ki, Hadisə Portuqaliya çempionatının 25-ci turu çərçivəsində keçirilən “Alverka” - AVS matçında baş verib. Görüş zamanı tribunadan marixuana qoxusunun gəldiyi bildirilib. Məlumata görə, qoxu o qədər güclü olub ki, hətta qonaq komandanın ehtiyat oyunçular skamyasında da hiss olunub.

Nəticədə qonaq komandanın nümayəndələri rəsmi şikayət edib və bu fakt protokola salınıb. İntizam orqanlarının qərarına əsasən “Alverka” klubu 800 avro məbləğində cərimələnib.

Qeyd edək ki, qarşılaşma 0:0 hesabı ilə başa çatıb. 25 turdan sonra “Alverka” turnir cədvəlində 10-cu pillədə qərarlaşıb, AVS isə sonuncu yerdədir.

Heybət

Oxumağa davam et
Reklam
Reklam

Gündəm

Aptekonline