WWE-nin keçmiş ulduzu bu paylaşımı ilə pərəstişkarlarını heyran etdi - Fotolar

Sabiq WWE çempionu Karmella yeni fotosessiyasından sonra sosial şəbəkələrin diqqət mərkəzinə düşüb.

Publika.az xəbər verir ki, əsl adı Liya Van Deil olan 38 yaşlı peşəkar güləş ulduzu 2025-ci ilin fevral ayında təxminən 12 illik əməkdaşlıqdan sonra təşkilatı tərk edib. Bu dövrdə o, karyerasında fasilə verərək, WWE şərhçisi Kori Qreyvs ilə birlikdə ailəsinə daha çox diqqət ayırıb.

Rinqdə çıxış etməsə də, Karmella hələ də fanatların diqqətini cəlb etməyə davam edir. Onun "İnstagram"da yayımladığı yeni post lüks bədən quruluşunu göstərən şəkilləri sayəsində sürətlə viral olub. Son illərdə idmançı ailəsinə daha çox vaxt ayırır. O, həyat yoldaşı ilə birlikdə iki uşaq böyüdür. Maraqlıdır ki, Karmella yeni fotosessiyanı ikinci uşağının doğulmasından bir neçə ay sonra paylaşaraq fanatları bədən formasının mükəmməlliyi ilə heyrətləndirib.

Xatırladaq ki, Karmellanın WWE-də karyerası 2013-cü ildə NXT brendində başlayıb. Bir neçə ildən sonra o, "SmackDown" şousunda debüt edib və 2017-ci ildə məşhur "Money in the Bank" döyüşünü qazanıb. 2018-ci ilin aprelində Karmella qadınlar arasında WWE çempionu olub və "WrestleMania 35"-də qadınlar kral döyüşünü qazanıb.

Publika.az