İdman

O mənim karyeramı dəyişdi - Arteta

14 Mart 2026 13:05

“Arsenal”ın baş məşqçisi Mikel Arteta “Everton”da Devid Moyesin rəhbərliyi altında oynadığı dönəmdən danışıb.

Publika.az xəbər verir ki, Artetanın komandası bu gün Moytesin “Everton”u ilə üz-üzə gələcək. Oyun Bakı vaxtı ilə 21:30-da başlayacaq.

“Bu mövsüm Moyes və onun işçiləri ilə bir neçə dəfə danışmışam. Moyesə çox minnətdaram. O, karyeramı dəyişdi. Məni “Everton”a gətirdi və karyeramı, oyunçu kimi məni dəyişdirdi. Birlikdə çox yaxşı anlar yaşadıq.

Moyes Premyer Liqa tarixinin ən böyük məşqçilərindən biridir. Müxtəlif klublar arasında bu səviyyədə sabitliyi qorumaq çox çətindir. İnsanlar bunu qiymətləndirməlidirlər. O, həm əla, həm də çətin dövrlərdən keçib, amma həmişə eyni cür davranıb”, – Arteta bildirib.