UEFA Çempionlar Liqası ilə bağlı yeniliyə hazırlaşır
Bizi izləyin
Aptekonline

İdman

UEFA Çempionlar Liqası ilə bağlı yeniliyə hazırlaşır

UEFA Çempionlar Liqası ilə bağlı yeniliyə hazırlaşır

UEFA Çempionlar Liqasının oyunlarını televiziya kanalları olmadan birbaşa izləməyə imkan verəcək öz onlayn platformasını yaratmağı planlaşdırır.

Publika.az xəbər verir ki, bu barədə "The Guardian" məlumat yayıb.

Hazırda layihə ilkin mərhələdədir. Onun həyata keçirilməsinə Avropa klub turnirlərinin kommersiya hüquqlarına cavabdeh olan UC3 şirkəti nəzarət edir.

Planlara əsasən, servis ilk olaraq Asiya ölkələrində, böyük ehtimalla Hindistan və ya İndoneziyada test ediləcək. Bu regionlarda yayım hüquqları hələ tam şəkildə bölüşdürülməyib.

Hazırda yayımlara çıxışın ödənişli, qismən ödənişli və ya tam pulsuz olacağı hələ dəqiqləşməyib. Layihənin əsas məqsədi azarkeşlərdən birbaşa gəlir əldə etmək, oyunların yayımlanmasına daha yaxşı nəzarət etmək və gəlirlərin nisbətən aşağı olduğu bazarları inkişaf etdirməkdir.

Gözlənilir ki, yeni yayım platforması 2027-ci ildən istifadəyə veriləcək.

Heybət

Oxumağa davam et
Reklam
Reklam

Gündəm

Aptekonline