İdman

"Öldü" deyilən Luçeskunun son durumu açıqlandı

7 Aprel 2026 11:36

Rumıniya millisinin sabiq baş məşqçisi Mirça Luçeskuya ürək əməliyyatı lazım ola bilər.

Publika.az xəbər verir ki, bu barədə jurnalist Emanuel Roşu “X” sosial şəbəkəsində məlumat yayıb.

Onun sözlərinə görə, hazırda onun müalicəsi adi qaydada davam edir. Bildirilir ki, gələcəkdə əməliyyata ehtiyac yarana bilər və bu əməliyyatı hazırda Fransada çalışan rumıniyalı həkim həyata keçirəcək.

Ötən gün isə Türkiyə mətbuatı da daxil olmaqla bir sıra mənbələrdə Luçekunun öldüyünə dair məlumatlar yayılıb. Lakin bu xəbər həkimlər tərəfindən təkzib olunub.

Qeyd edək ki, Luçesku aprelin 2-də Rumıniya millisinin baş məşqçi postundan ayrılıb. O, bu vəzifədə 2024-cü ildən çalışırdı. 80 yaşlı mütəxəssis milli komandanın düşərgəsində huşunu itirdikdən sonra xəstəxanaya yerləşdirilmiş və orada ürək tutması keçirmişdi. Daha sonra Luçesku süni koma vəziyyətinə salınıb.

Müəllif: Heybət