Kardaşyan və Hemilton münasibətlərini bu paylaşımla təsdiqlədilər - VİDEO

Məşhur realiti şou ulduzu Kim Kardaşyan və Formula-1 pilotu Lyuis Hemilton münasibətlərini “Instagram”da rəsmi şəkildə təsdiqləyiblər.

Publika.az xəbər verir ki, ingilis idmançıTokioda çəkilmiş video paylaşıb. Kadrlarda o, əfsanəvi "Ferrari F40" ilə məşhur "Daikoku" dayanacağında drift edir. Təsirli manevrlərdən və tüstü buludlarından sonra kamera gözlənilməz detalı göstərir. Sərnişin oturacağında Kim Kardaşyanın əyləşdiyi görünür.

“Bu dəlilikdir”, - deyə o, gülümsəyərək baş verənləri şərh edir və ekstremal sürücülükdən açıq-aşkar təsirləndiyini göstərir.

Bu video cütlüyün münasibətlərinin ilk ictimai təsdiqi hesab olunur. Daha əvvəl də onlar Yaponiyanın paytaxtında birlikdə görüntülənmişdi. Hemilton həmin vaxt 2026-cı il Yaponiya Qran-prisi ilə əlaqədar Tokioda idi.

Bundan əlavə, pilot Kardaşyanın uşaqları ilə də vaxt keçirib. Xüsusilə onun oğlu Seyntlə Tokio küçələrində gəzərkən və məşhur idman ayaqqabıları və kolleksiya kartları mağazasına baş çəkərkən görüldüyü bildirilir. Kim isə səfərdən görüntüləri sosial şəbəkədə paylaşsa da, Hemilton bu paylaşımlarda yer almamışdı.

Cütlük haqqında ilk söz-söhbətlər 2026-cı ilin fevralında Böyük Britaniyada keçirdikləri romantik keçən həftəsonundan sonra yayılmışdı. O vaxtdan bəri maraq artmaqda idi və indi görünür ki, onlar artıq münasibətlərini gizlətmirlər.

Publika.az

View this post on Instagram

A post shared by Lewis Hamilton (@lewishamilton)