Kabab bişirirmiş, oğlu alaya-ağlaya gəlib deyib ki…

“Arsenal”ın baş məşqçisi Mikel Arteta komandasının İngiltərə çempionu olduğunu necə öyrəndiyi barədə ətraflı məlumat verib.

Premyer Liqanın 37-ci turunda “Mançester Siti” “Bornmut”u məğlub edə bilmədi (1:1) və qızıl medallar uğrunda mübarizədə “topçular”ı məğlub etmək şansını itirdi.

Publika.az xəbər verir ki, Arteta mətbuat konfransında deyib:

“Bu, indiyə qədər yaşadığım ən gözəl hisslərdən biridir.

Mən burada, Kolnidə (klubun bazasında) olmalı, uşaqlar və bəzi işçilərlə birlikdə matçı izləməli idim. Amma bacarmadım. Oyunun başlamasına təxminən 20 dəqiqə qalmış getməli oldum. İstədiyim enerjini gətirə bilmədim. Və düşünürəm ki, bu, həqiqətən də onların anı idi – matçı birlikdə izləmək, özləri olmaq.

Evə getdim, bağçaya çıxdım, manqal qalamağa və kabab bişirməyə başladım. Hətta matçı izləmədim də. Sadəcə qonaq otağından gələn bəzi səslər eşitdim.

Və sonra, birdən sehr baş verdi. Böyük oğlum bağçanın qapısını açdı, yanıma qaçdı, ağlamağa başladı, məni qucaqladı və dedi: “Biz çempionuq, ata”. Sonra digər iki oğlum və həyat yoldaşım yanıma gəldi. Bu, möhtəşəm idi”.