İdman

Əfsanə geri dönür?

30 May 2026 20:36

Əfsanəvi amerikalı tennisçi Serena Uillyams yaxın zamanda peşəkar tenisə qayıda bilər.

Publika.az xəbər verir ki, bu barədə “The Telegraph” məlumat yayıb.

Mənbənin bildirdiyinə görə, 44 yaşlı amerikalı iyunun 8-dən 14-dək keçiriləcək “Queen’s Club” turnirində cütlər yarışında iştirak edə bilər. Onun tərəfdaşının 19 yaşlı kanadalı tennisçi Viktoria Mboko olacağı gözlənilir. Təşkilatçıların bu duetə xüsusi dəvət verəcəyi qeyd olunur.

Serena Uilyams karyerasındakı son matçını 2022-ci ildə keçirilən US Open turnirində oynayıb. Son aylarda onun kortlara qayıdacağı ilə bağlı şayiələr artıb. Serena yanvar ayında idmana dönüş ehtimalını istisna etmədiyini açıqlamışdı.

Kiçik Uilyams tennis tarixinin ən güclü oyunçularından biri hesab olunur. O, karyerası ərzində təklər kateqoriyasında 23, cütlərdə isə 14 “Böyük Dəbilqə” titulunu qazanıb.

Qeyd edək ki, Serena Uilyams daha əvvəl “Met Gala” xeyriyyə gecəsində iştirak etmişdi.