Peres “Real” tarixinin ən bahalı transferinin anonsunu verdi

“Real”ın prezidenti Florentino Peres klub tarixinin ən bahalı transferini reallaşdırmağa hazırlaşdığını açıqlayıb.

Publika.az xəbər verir ki, Peres seçkiqabağı çıxışında bunları deyib:

“Çərşənbə axşamı Çempionlar Liqasının aparıcı komandalarından birinə görkəmli futbolçu üçün ciddi təklif göndərəcəyəm. Bu, “Real”ın tarixində ödədiyi ən böyük transfer məbləği olacaq. Söhbət ən azı 150 milyon avrodan gedir.

Maykl Olise? O, əla futbolçudur, amma nəzərdə tutduğum oyunçu deyil. Bu futbolçu nə Harri Keyndir, nə Jeremi Doku, nə də Erlinq Halland. O, yarımmüdafiədə və ya hücum xəttində çıxış edir.

Luiş Fiqo, Zinəddin Zidan, Ronaldo Nazario, Kriştiano Ronaldo, Kaka… Bu futbolçuların transferləri böyük səs-küy yaratmışdı. Mənim nəzərdə tutduğum oyunçu da məhz həmin səviyyədədir və Premyer Liqada çıxış etmir. Əsl “Qalaktiko”dur”.

Xatırladaq ki, iyunun 7-də “Real”da prezident seçkiləri keçiriləcək. Florentino Peres yenidən prezident seçilmək uğrunda mübarizə aparacaq. Onun rəqibi ispaniyalı iş adamı Enrike Rikelmedir.

Müəllif: Tural