Argentina heç kimin qarşısını ala bilmədiyi lənətlə üz-üzə

Argentina millisi 2026-cı il dünya çempionatında maraqlı statistik tendensiya ilə üz-üzə qalacaq.

Publika.az xəbər verir ki, iyunun 11-də FİFA milli komandaların yenilənmiş reytinqini açıqlayıb. Siyahıda ilk pillədə Argentina yığması qərarlaşıb.

İspaniyanın məşhur idman nəşri “Marca”nın yazdığına görə, dünya çempionatına FİFA reytinqinin lideri kimi qatılan komandaları uzun illərdir maraqlı bir uğursuzluq təqib edir. Belə ki, reytinq cədvəlinin zirvəsində yer alan heç bir milli komanda sonradan dünya çempionu ola bilməyib.

Bu tendensiyanı qırmağa ən yaxın komanda Fransa millisi olub. Fransızlar 2022-ci ildə Qətərdə keçirilən dünya çempionatına FİFA reytinqinin lideri kimi qatılmış, finala qədər irəliləmişdilər. Lakin həlledici görüşdə penaltilər seriyasında məhz Argentina yığmasına məğlub olmuşdular.

Xatırladaq ki, Argentina millisi 2026-cı il dünya çempionatının qrup mərhələsində Əlcəzair (17 iyun), Avstriya (22 iyun) və İordaniya (28 iyun) yığmaları ilə qarşılaşacaq.

Müəllif: Tural