Alvares “Atletiko Madrid”ə qayıtmaqdan imtina edə bilər
Bizi izləyin

İdman

Alvares “Atletiko Madrid”ə qayıtmaqdan imtina edə bilər

Alvares “Atletiko Madrid”ə qayıtmaqdan imtina edə bilər

Klub onu satmağa razı olmadığı təqdirdə, Argentina millisinin hücumçusu Xulian Alvares “Atletiko Madrid”ə qayıtmaqdan imtina edə bilər.

Publika.az xəbər verir ki, bu barədə “ESPN Argentina” məlumat yayıb.

Mənbənin məlumatına görə, hücumçu klub rəhbərliyinin ona lazımi hörmətlə yanaşmadığını düşünür. Qeyd olunur ki, Alvares və “Atletiko” rəhbərliyi arasındakı münasibətlər hazırda arzuolunan səviyyədə deyil.

Münaqişə, Dünya Kuboku finalından bir neçə gün əvvəl “Atletiko Madrid” in baş direktoru Migel Anxel Hilin verdiyi açıqlamadan sonra daha da şiddətlənib.

Hil açıqlamasında klubun argentinalı oyunçunu 100, 150 və hətta 200 milyon avroya satmaq niyyətində olmadığını bildirmişdi.

Alvares bu sözləri təzyiq göstərmək cəhdi kimi qəbul edib və pis niyyətlə edildiyinə inanır.

“Barselona”nın hücumçunu almaq istədiyi ilə bağlı xəbərlər yayılmışdı, lakin “Atletiko” rəhbərliyi dəfələrlə onu satmağı düşünmədiklərini bildirib.

Oxumağa davam et
Reklam
Reklam

Gündəm

Zəfaran Hospital
Səba