14 ildən sonra boşandılar - Səbəblərini açıqladı

Moskvanın “Spartak” klubunun kapitanı Roman Zobninin keçmiş həyat yoldaşı Ramina 14 illik evlilikdən sonra nikahlarını pozmalarının səbəblərini açıqlayıb.

Publika.az xəbər verir ki, onun sözlərini “Sport24” yayıb.

Ramina bildirib ki, təxminən bir il əvvəl futbolçu ilə romantik hisslərinin sönməyə başladığını anlayıblar. Onun sözlərinə görə, zaman keçdikcə ər-arvad bir-birlərini daha çox bacı-qardaş kimi qəbul etməyə başlayıblar. Bununla belə, keçmiş həyat yoldaşları bir-birlərinə hörmətli münasibətlərini qoruyub saxlayıblar.

Ramina qeyd edib ki, boşanma onların ümumi övladları – oğlu Robert və qızı Reginanın sayəsində sakit keçib. Tərəflər əmlakın bölüşdürülməsi zamanı da münaqişə ilə üzləşməyiblər. Futbolçunun keçmiş həyat yoldaşı ayrılığın səbəbinin xəyanət və ya məişət zorakılığı olmadığını xüsusi vurğulayıb.

Məhkəmə iyunun 30-da ər-arvadın boşanma ilə bağlı iddiasını təmin edib. Roman və Ramina Zobnin 2012-ci ildən münasibətdə olublar. Onların oğlu 2016-cı ildə, qızı isə 2019-cu ildə dünyaya gəlib.