Alonso “Çelsi”nin yeni sahibi haqda: Madridə o gəlmişdi

“Çelsi”nin baş məşqçisi Xabi Alonso klubun sahibinin dəyişməsi ilə bağlı danışıb.

London komandasının həmsahibləri Todd Bouli və Mark Volter səhmlərini əvvəllər klubun 60%-dən çoxuna sahib olan “Clearlake”ə satıblar.

Təsisçiləri Behdad Eqbali və Jose Felikiano tərəfindən təmsil olunan “Clearlake” artıq klubun tam nəzarətinə malikdir. Bouli, həmçinin klubun sədri vəzifəsindən istefa verib. Bildirilir ki, klubun hazırkı əməliyyatlarında, idarəetmə heyətində və ya strategiyasında heç bir dəyişiklik olmayacaq.

Publika.az xəbər verir ki, Alonso bu haqda İngiltərə mətbuatına danışıb:

“Düşünürəm ki, bu, klub üçün vacib bir gündür, çünki klubun strukturunda ciddi dəyişikliklər baş verir və yeni sahibi peyda olur.

Keçmiş sahiblərinə etdiklərinə görə təşəkkür edirəm. Mən orada deyildim, amma bilirəm ki, onlar böyük rol oynayıblar. İndi isə Behdad daha böyük və ya demək olar ki, tam nəzarəti öz üzərinə götürdüyü üçün kimin məsul olduğunu bilmək yaxşıdır.

Behdadla çox yaxşı münasibətlərim var. Klubun layihəsini mənə izah etmək və məni inandırmaq üçün Madridə gələn o idi və biz birlikdə yaxşı işləyirik. Qeyd etdiyim kimi, komanda baxımından layihənin birinci mərhələsini başa vurduq. Bu yaxşıdır və indi birlikdə irəliləyirik”.

Müəllif: Tural