Ardadan Ukrayna millisinə çağırılan futbolçulara tövsiyə: Son damla qanınıza qədər….

“Şaxtyor”un baş məşqçisi Arda Turan Millətlər Liqası oyunları üçün Ukrayna millisinə yollanan komandasının futbolçuları ilə bağlı gözləntilərini bölüşüb.

Publika.az xəbər verir ki, “Şaxtyor”un böyük bir qrup oyunçusu Millətlər Liqası oyunları üçün Ukrayna millisinə çağırılıb və Macarıstana qarşı çox vacib bir oyuna çıxacaqlar.

-Komandanın ümumi potensialını necə qiymətləndirirsiniz və Millətlər Liqasının qrup mərhələsində Ukraynadan hansı nəticəni gözləyirsiniz?

– Onlar mənim rəhbərliyim altında olduğu kimi, son damla qanlarına və tərlərinə qədər mübarizə aparmalıdırlar. Bu, onlardan gözlədiyim minimumdur və əminəm ki, bunu milli komanda formasında təcəssüm etdirə biləcəklər.

Qarşıdan gələn beynəlxalq fasilə zamanı Ukrayna millisi Millətlər Liqasında dörd oyun keçirəcək. Sentyabrın 25-də komanda Macarıstanla səfərdə oynayacaq, daha sonra Gürcüstana (28 sentyabr) səfər edəcək, daha sonra Trnavada Şimali İrlandiya (2 oktyabr) və Macarıstanı (5 oktyabr) qəbul edəcək.

Donetsk “Şaxtyor”u Ukrayna millisinə qapıçı Dmitri Riznik, müdafiəçilər Nikolay Matviyenko və Valeri Bondar, yarımmüdafiəçilər Oleq Oçeretko və Yeqor Nazarini göndərib.

Müdafiəçi Aleksandr Karavayev və yarımmüdafiəçi Dmitri Krıskiv ehtiyatdadırlar.

Publika.az