İKT

1,5 milyard "Facebook" istifadəçisinin məlumatları SATIŞA ÇIXARILDI

4 Oktyabr 2021 23:49

1,5 milyard "Facebook" istifadəçisinin məlumatları qara bazarda satışa çıxarılıb.

Publika.az xəbər verir ki, bu barədə "Privacy Affairs" internet nəşri yazır.

Rəsmi olaraq təsdiqlənməmiş məlumatlara görə, söhbət sosial şəbəkə istifadəçilərinin adlarından, fərdi məlumatlarından, elektron poçt ünvanlarından və telefon nömrələrindən gedir.

Nəşr xatırladır ki, sentyabrın sonunda haker saytlarından birinin istifadəçisi 1,5 milyard müştərinin məlumatlarını ehtiva edən Facebook verilənlər bazasına daxil olduğunu bildirib. Son məlumata görə, həmin verilənlər bazası satışa çıxarılıb. Bu məlumatları tam və ya hissə-hissə almaq mümkündür.

Potensial alıcılardan biri yazır ki, ona bir milyon "Facebook" istifadəçisinin hesabını 5 min dollara satın almağı təklif ediblər.

Hüseyn