"Facebook" və "Instagram" YENƏ ÇÖKDÜ

Bir sıra ölkələrdə "Instagram" sosial şəbəkəsinin işində fasilələr müşahidə olunur.

Publika.az xəbər verir ki, bu barədə məşhur internet resurslarının işini izləyən "Downdetector" xidmətinin saytında məlumat verilib.

Bildirilib ki, ən çox şikayət Böyük Britaniya, Almaniya və ABŞ-dan gəlir.

İstifadəçilər proqramda serverə qoşularkən və sayta daxil olmaq istəyərkən problemlərlə qarşılaşırlar.

Rusiyada da xidmətdə nasazlıqlar qeydə alınıb. Bundan əlavə, bir sıra ölkələrdə "Facebook" sosial şəbəkəsinin işində daha kiçik miqyaslı nasazlıqlar müşahidə olunur, lakin Rusiya Federasiyasında heç bir nasazlıq qeydə alınmayıb.

Qeyd edək ki, oktyabrın 5-də"Facebook", "Instagram" və "WhatsApp" bir çox digər xidmətlərə təsir edən qlobal fasilə ilə üzləşib. Məlum olub ki, şirkət mühəndislərinin səhvi ucbatından 6 saata yaxın populyar sosial şəbəkələr və messencer əlçatan olmayıb.

İndi "Meta" adlanacaq "Facebook" korporasiyasının rəhbəri Mark Zukerberq baş verənlərə görə ictimaiyyət qarşısında üzr istəməyə məcbur olub.