Magazin1

Doğum gününü qeyd edən Tünzalə: “Yaşımı niyə gizlədim?”

21 Oktyabr 2015 16:45

Əməkdar artist Tünzalə Ağayevanın 39 yaşı tamam olur.

Müğənni doğum günü təəssüratlarını Publika.az-la bölüşüb:

“Təmtəraqlı ad günləri keçirməkdən xoşum gəlmir. Onda özümü narahat hiss edirəm. Bu il də doğum günümü ailəmlə birgə qeyd edəcəm. Dünəndən telefonlarım susmur, doğum günümü təbrik edirlər”.

Maraqlıdır, müğənninin hədiyyələrə münasibəti necədir?

“Hətta Türkiyədən belə hədiyyə göndərənlər olub. Sağ olsunlar, məni dəyərləndirən hər kəsə minnətdarlığımı bildirirəm. Məni təəccübləndirən hər bir hədiyyə xoşuma gəlir. Xüsusən də, rəsm əsərləri və əl işlərini çox sevirəm” - deyən müğənni yaşla bağlı kompleksi olmadığını deyib, əksinə yaşını söyləməkdən heç vaxt çəkinmir:

“Həmişə yaşımı söyləyirəm. Hətta menecerim Yalçın deyir ki, niyə soruşmasalar da, yaşını söyləyirsən? Mənim bu gün 39 yaşım tamam olur. İnsanlar mənə 30-32 yaş verir. Mən ona deyirəm ki, əgər yaşımdan çox cavan görünürəmsə, niyə yaşımı gizlədim?”

Cəvahir