TƏBİB dəhşətli qəzada xəsarət alanların son vəziyyətini açıqladı - Yeniləndi

TƏBİB Ağdamda baş verən ağır yol-nəqliyyat hadisəsi zamanı xəsarət alanların son vəziyyətini açıqlayıb.

Qurumdan Publika.az-a verilən məlumata görə, Ağdam rayonunda baş verən yol-nəqliyyat hadisəsi səbəbilə xəsarət alan 4 nəfər (3 kişi, 1 qadın) 01.05.2026-cı il tarixində saat 20:10 radələrində Bərdə Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Qeyd olunub ki, müxtəlif növ bədən xəsarətləri alan pasiyentlərə zəruri tibbi xidmətlər göstərilib:

"Hazırda onların müalicəsi müvafiq şöbələrdə davam etdirilir. 3 nəfərin vəziyyəti orta ağır, 1 nəfərin vəziyyəti isə stabil qiymətləndirilir".

***

Ağdamda baş verən qəza zamanı ölənlərin kimliyi məlum olub.

Publika.az-ın Teleqraf-a istinadən xəbərinə görə, qəza zamanı ölənlərin Ağdam rayon Xaçındərbənd kənd sakini 1966-cı il təvəllüdlü Kərimov Surxay Şəmil oğlu və Cəsarət adlı şəxs olduğu bildirilir.

***

Ağdamda baş verən qəza zamanı 2 nəfər ölüb, 4 nəfər ağır xəsarət alıb.

Publika.az Teleqraf-a istinadən xəbər verir ki, qəza hadisəsi rayonun işğaldan azad edilmiş Xıdırlı kəndi ərazisində baş verib.

Hərəkətdə olan "VAZ"2107 markalı avtomobil qarşıdan gələn "Opel" markalı avtomobillə toqquşub.

Nəticədə 2 nəfər ölüb 4 nəfər ağır xəsarət alıb.

Hadisə yerinə təcili tibbi bölməsinin avtomobilləri yollanıb.

Faktla bağlı araşdırma aparılır