Magazin1

“Yağış göbələyinin macərası”na böyüklər də uydu – 50-ci dəfə

12 Noyabr 2015 02:59

R. Şəfəq və V. Ziminin “Yağış göbələyinin macərası” adlı iki hissəli musiqili nağıl-tamaşa Azərbaycan Dövlət Musiqili Teatrında 50-ci dəfə nümayiş olunacaq.

Publika.az xəbər verir ki, uşaqlar üçün nəzərdə tutalan tamaşa 2008-ci ildən Teatrın repertuarındadır. Teatrın rus bölməsinin hazırladığı maraqlı səhnə əsərinin 50-ci nümayişi noyabr 15-də saat 12.00-da baş tutacaq. Xeyirlə Şərin mübarizəsindən bəhs edən, nəinki kişik tamaşaçılar, hətta böyüklərin də maraqla izlədiyi tamaşa doğruluğu, dürüstlüyü, qəhrəmanlığı və ən əsası, ana təbiətə sevgini, təbiəti qorumağın vacibliyini təbliğ edir.

Qeyd edək ki, tamaşanın quruluşçu-rejissoru əməkdar artist Boris Qrafkin, quruluşçu-rəssam Validə Ümmandır.