Türkiyəyə yönələn raket: NATO 5-ci maddəni işə salır?

NATO-nun Baş katibi Mark Rutte Türkiyəyə doğru uçan İran raketi ilə bağlı açıqlama verib.

Publika.az xarici mətbuata istinadla xəbər verir ki, Rutte NATO-nun hər zaman üzv dövlətlərin bütün ərazilərini müdafiə etdiyini bildirib:

“NATO hər santimetr torpağın tam müdafiəsini təmin edir. Siz bunu Türkiyəyə yönələn və ABŞ-ın maraqlarına potensial təhdid yaradan raket xəbərləri zamanı gördünüz. Raket NATO-nun hava hücumundan müdafiə sistemləri ilə vuruldu. Deməli, sistem işləyir”.

Baş katib əlavə edib ki, NATO-nun 5-ci maddəsinin aktivləşdirilməsinin vaxtı barədə məqsədli qeyri-müəyyənlik saxlanılır:

“5-ci maddənin nə zaman tətbiq olunacağını həmişə böyük qeyri-müəyyənliklə saxlayacağıq. Əgər aktivləşdirilərsə, dərhal hər kəsə məlumat verəcəyik. Lakin bu qeyri-müəyyənliyi qoruyuruq ki, düşmənlərimiz və rəqiblərimiz bundan xəbər tutmasın”.

Ruttenin sözlərinə görə, bu yanaşma NATO-nun üzv ölkələrin təhlükəsizliyini təmin etməkdə əsas prinsiplərdən biridir.

Xatırladaq ki, NATO-nun 5-ci maddəsi üzv ölkəyə edilən hücumun bütün alyansa qarşı edilmiş sayılmasını nəzərdə tutur.

Adəm