Türkiyəli məşhur Azərbaycanla bağlı elə sözlər dedi ki... - VİDEO

Dünən "Elektra Events Hall"da Türkiyə və Azərbaycanın birgə istehsalı olan “Çat Kapı aşk” filminin təqdimat mərasimi keçirilib.

Publika.az xəbər verir ki, bu münasibətlə filmin baş rol ifaçısı Müge Boz Bakıya gəlib. Aktrisa təqdimatdan əvvəl İçərişəhəri gəzməyə çıxıb. Türkiyəli məşhur şəhərimiz haqqında təəssüratlarını instaqramda paylaşıb və bildirib ki, Azərbaycan mürəbbələri və turşularını çox sevir:

“Bakıda Qız Qalası adlanan tarixi abidə inanılmaz dərəcədə gözəldir, ətrafdakı memarlıq binalara baxanda şəhərin əzəmətini hiss edəcəksiniz, çünki xaos yoxdur.

Əllə toxuma xalçalar, qutab, qoyun dərisindən hazırlanan papaqlar, qədim əşyaların satıldığı mağazalara getməyə dəyər. Və bəlkə də ən əhəmiyyətlisi çox ləzzətli yeməklər... Axşamlar kukla teatrına baxa bilərsiniz. Keçən il gələndə izləmişdik. Şirvanşahlar Sarayını qeyd etməsəm, olmaz. Buranın enerjisi mənə yaxşı təsir edir.

Mürəbbə və turşu deyilən zaman ağıla ilk növbədə Azərbacan gəlməlidir. Biz qarpız qabığından gəmilər düzəldərkən qardaş ölkə ondan mürəbbə hazırlayıb”.

Məlumat üçün bildirək ki, "Çat Kapı Aşk" filmində aktyor Elməddin Cəfərov da rol alıb.