Magazin1

Əməkdar artistin oğlu repi atmasının səbəbini açdı: “Təsəvvür edə bilməzsiniz...”

19 Avqust 2020 12:41

“Bu köynəyi 11-ci sinifdə oxuyanda almışdım. Təsəvvür edə bilməzsiniz, o zaman 50 Cent-ə necə pərəstiş edirdim. Repi çox sevdiyimə görə rep ilə məşğul olmuşam”.

Publika.az xəbər verir ki, bu sözləri aktyor İbrahim Çingiz instaqramda yazıb.

Aktyorluğa başlamazdan əvvəl rep deyən İbrahim dinləyicilərini sevindirməyə hazırlaşdığını bildirib:

“Çoxlarınız bunu bilirsiniz, lakin indi gərgin iş cədvəlinə görə bu sənəti bir müddət arxa plana keçirmişəm. Düzdür, karantin zamanı bəzi cızma-qaralar etmişəm, bəlkə də bir gün onlar işıq üzü görəcək. Hələlik isə nostalji hisslər keçirirəm”.

Qeyd edək ki, “Vicdan haqqı” serialından sonra məşhurlaşan aktyor İbrahim Çingiz Əməkdar artist Çingiz Əhmədovun oğludur.