Azərbaycanlı müğənni avropalı blogerləri HEYRAN QOYDU

“Gözəl qızımız Samirə əfəndi, bəzi lazımsız şərhləri boş ver. Sən Avroviziya blogerlərinin rəylərinə bax! Dünən bütün önəmli Avroviziya blogerləri bir ağızdan sənə heyran qalıb. Səsin, görkəmin, nömrənin coşğusu... Hər şey yerində, hər şey bəyənilmiş! Pillə və yer məsələsini də hamı anlayır! Finalda PARTLAT!”

Publika.az xəbər verir ki, bu sözləri müğənni və aparıcı Murad Arif deyib. Azərbaycanın “Eurovision” təmsilçisi Samirə Əfəndinin “Mata Hari” ifasını da şərh edən M.Arif onun yaddaqalan bir performans sərgilədiyini xüsusi vurğulayıb:

Daha sonra sənətçi dizayner Rüfət İsmayılın Samirə üçün hazırladığı səhnə kostyumundan danışıb:

“Rüfət o səhnədə olsaydım, mən də hökmən səndən geyinərdim! Qısası, səndən bir səhnə “look”u tələb edirəm”.

O, bu il İtaliya, Norveç, İsveç, Malta, Fransa, Rusiya, Ukrayna və İsrailin mahnılarının da yaxşı olduğunu bildirib.

Məlumat üçün bildirək ki, Rüfət İsmayıl Samirə Əfəndiyə Aygün Kazımovanın oxşar geyimini hazırladığı üçün tənqid olunmuşdu.