“Nargis” 9 yaşını belə qeyd etdi – FOTO/VİDEO

Dünən “Nargis” Fondunun və jurnalının 9 yaşının tamam olması münasibətilə “Soyuq əllər, isti ürək” xeyriyyə yarmarkasında şənliklər təşkil olunub.

Publika.az xəbər verir ki, gecədə jurnalın və xeyriyyə fondunun təsisçisi Ülviyyə Mahmudova, Xalq artistləri - Aygün Kazımova, Faiq Ağayev, Miri Yusif, Tünzalə Ağayeva, Əməkdar artist Xəyyam Nisanov, müğənni Zamiq Hüseynov və başqaları iştirak edib.

Böyük Britaniyanın Azərbaycandakı səfiri Ceyms Şarpın da iştirak etdiyi mərasimdən foto və videolar sosial şəbəkələrdə paylaşılıb.

Bütün məşhurlar birlikdə tort kəsərək “Nargis”in 9-cu yaşını yarmarkada qeyd ediblər.

Ülviyyə Mahmudova sonda hər kəsə təşəkkür edib:

“Əziz həmkarlar, təşəkkür edirəm ki, mənə dəstək və dayaq olursunuz. Taleyimə minnətdaram ki, qarşıma belə insanlar çıxıb. Siz mənim üçün daha bir ailəm oldunuz. Sizin optimistliyiniz, sevginiz və enerjiniz hər tərəfi doldurur. Hər birimiz xüsusi və heyrətamiz insanlarıq. Təşəkkür edirəm, möhtəşəm insanlar, bizim günlərimiz sıradan və darıxdırıcı keçmir, orijinallığı və parlaqlığı ilə seçilir”.