Tarkanın yeni klipi sosial şəbəkələri alt-üst etdi - VİDEO

Meqastar Tarkanın “Geççek” adlı mahnısına çəkilən klip gündəm olub.

Publika.az xəbər verir ki, siyasi və sosial mesajlarla dolu olan mahnı Tvitterdə ən çox müzakirə olunan mövzuya çevrilib.

“Gəldiyi kimi hər şeyin bir sonu var, bu sınağın da bir sonu var” sözləri xüsusilə diqqət çəkib. Yeni mahnısı yayımlanmadan əvvəl yutubda video paylaşan Tarkan “Geççek”i necə yazdığını açıqlayıb:

“Təxminən 1 il əvvəl əhvalımın heç də yaxşı olmadığı bir dövr yaşadım. Dünyada baş verən kədərli hadisələr, insanlığın həyəcanlı gedişatı, təbiətin məhv olması, pandemiya mənə çox pis təsir etdi. Hamımıza yaxşı təsir edən bir mahnı yazmaq istədim. Düşündüm ki, bəlkə bir az təsəlli verər, əhvalı düzəldər, ümid verər. Arzu edirəm ki, “Geççek” hamınızın ovqatını qaldırsın”.

Qeyd edək ki, sözügedən klip yutubda 3 saat ərzində 1 milyon 100 min baxışa çataraq trend siyahısında birinci yerə çıxıb.

Xatırladaq ki, bundan əvvəl Sezen Aksunun “Şahane bir şey yaşamak” mahnısı da qalmaqala səbəb olmuşdu. Məsələyə Türkiyə Prezidenti Rəcəb Tayyib Ərdoğan da səssiz qalmamışdı.