Tanınmış söz yazarından aparıcılara İRAD: pullu müəlliflər...

Bir çox ifaçılar, xüsusən də aparıcılar şairin, söz müəllifinin adını niyə çəkmirlər anlamıram. Sözlərimə yazılan mahnıları oxuyub adımı çəkməyənlərə qadağa qoyacam. Fikir vermişəm, pullu, vəzifəli, kiminsə qohumu olan mənasız söz müəlliflərinin adını çəkirlər.

Publika.az xəbər verir ki, bu sözləri şairə Kamalə Abıyeva deyib.

K.Abıyeva “Söhbət müsiqidən gedir” verilişinin aparıcısına irad bildirib:

“Leyla xanıma hörmətim var. “Bakı haqqında nağıl”ı ifa etdi. İfa da gözəl. Çox maraqlıdır, sözlərdən danışırlar, ancaq bəstəkarın adını çəkirlər. Aygün xanıma, Eyyub Yaqubova təşəkkür edir. Eyyub bəyə sevgim, sayğım var. Həmişə xüsusi vurğulayır adımı. Doğma, qarşılıqlı münasibətimiz öz yerində. Sənəti öz yerində. Bəstəyə söz yox. Hətta müşayiət edənə də təşəkkür. Halallıq istəyir. Deməli, mən halallıq verməsəm, haqlı oluram. Sözlərimə yazılan bütün mahnılar mənim üçün övladım kimidir. Hamısını sevirəm. Hər çıxışımda, müsahibələrdə bəstəkarları da, ifaçıları da vurğulayıram, təşəkkür edirəm və s. Amma mənim də səbrim uzanıb gedə bilmir. Adımı çəkmirsinizsə, bir zəhmət, başqa söz oxuyun. Bakının tərənnümü görəsən, hardadır o mahnıda?”