Tilbe haqqında danışsalar, həbs olunacaqlar

Məşhur müğənni Yıldız Tilbe martın 12-də sosial media hesabında sahibsiz itlərlə bağlı "Həmin bölgələrin əhalisi hücum edən itlərə zəhərli ət versinlər ki, hamısı ölsün, insanları parçalamaq nədir?" deyə paylaşım etdikdən sonra bəzi heyvansevərlər və heyvan hüquqlarını qoruyan qurumlar sənətçi haqqında məhkəməyə müraciət ediblər.

Publika.az-ın məlumatına görə, Yıldız Tilbe isə aralarında məşhurların da olduğu 26 nəfər və 11 şirkətlə bağlı şikayət edib.

Tilbe gündəmi özlərinin qurduqlarını və ona "cahil qadın, heyvan düşməni, ruhi xəstə, ölsün" kimi iddialarla çıxış edən məşhur maqazin aparıcıları Seren Serengil, Bircan Bali və Arto haqqında müdafiə tələbi ilə çıxış edib.

Tələbi qiymətləndirən məhkəmə müttəhimlər Seren Serengil, Bircan Bali və Artonun 1 ay müddətinə Yıldız Tilbeyə qarşı şiddət, təhdid, təhqir, aşağılama və ya aşağılama ehtiva edən söz və davranışlarda olmamalarına və bir müddət ünsiyyət vasitələri ilə onu narahat etməmələrinə qərar verib. Məhkəmə həmçinin bu şəxslərin qərara əməl etmədiyi təqdirdə onlara 3 gündən 10 günə qədər "məcburi həbs" tətbiq edilməsinə qərar verib.