O xəbəri eşidəndə ağladım - Oksana - VİDEO

Video əlavə olunub.

xxx

"Son bir il idi ki, çox istəyirdim teatrda fəaliyyət göstərim. Bunun üçün bir neçə dəfə cəhd etmişdim, lakin cəhdlərim uğursuz oldu. Bu fürsəti M.Teatrın yaranması ilə əldə edə bildim".

Bunu Publika.az-a açıqlamasında tanınmış rəqqasə-aktrisa Oksana Rəsulova deyib.

Aktrisa bildirib ki, M.Teatrın yaradıcısı və bədii rəhbəri Xalq artisti Vidadi Həsənov ona burada fəaliyyətə başlaması üçün imkan yaradıb: "Mən Vidadi müəllimə minnətdaram ki, o, mənim istedadımı görüb, teatr fəaliyyətimə başlamağım üçün şərait yaradıb. Mən bu xəbəri eşidəndə kövrəlib ağladım. Vidadi müəllim mənim üçün çox böyük bir ustaddır. Sevinirəm ki, həm onun tələbəsiyəm, həm də onun yaratdığı teatrda fəaliyyət göstərirəm".

O.Rəsulova əlavə edib ki, hazırda teatrda daimi məşqləri başlayıb: "İyul ayında ilk tamaşam baş tutacaq. Tərəf müqabilim Ziya Ağadır. O da çox istedadlı və peşəkar bir aktyordur. Bir aydır ki, məşqlərimiz davam edir. Maraqlı bir tamaşa olacaq. Hər kəs tamaşamıza dəvətlidir".