Məlahət Abbasova Cəbrayılda: "Viran qalmış kəndlə qarşılaşdım" - VİDEO

Sənə şükürlər olsun, Allahım. 30 il işğal altında qalan anamın vətəni - Cəbrayıl rayonu, Daşkəsən kəndi. Bakı-Zəngilan dəmiryolu... Oturduğum yer anamgilin dağılmış evinin qapısıdır.

Publik.az xəbər verir ki, bu sözləri aktrisa Məlahət Abbasova instaqram hesabında yazıb. ATV kanalında yayımlanan "Biz qayıdırıq" verilişinin növbəti qəhrəmanı olan aktrisa Cəbrayılda dünyaya gəldiyini və orada məktəbə getdiyini bildirib. Uşaqlıq xatirələrindən söz açan sənətçi göz yaşlarına hakim ola bilməyib:

"Uşaqlıq xəyallarım, arzularımın kəndi. Nağıl dünyamın yıxılmış, dağılmış, viran qalmış bir kəndi ilə qarşılaşdım. Yenə bu günümüzə şükür. 30 il işğal altında qalan torpaqlarımıza qovuşduq. Ən böyük arzum idi Cəbrayılı görmək. Mənə bu gözəl günü yaşadan, anamla birlikdə bizi doğma Cəbrayıla qovuşduranlara təşəkkür edirəm".

Посмотреть эту публикацию в Instagram

Публикация от MelahatAbbasova (@melahatabbasova)