Magazin1

Günay İbrahimli başqa bir stildə - VİDEO

14 Oktyabr 2022 14:01

Müğənni Günay İbrahimli "Kabus gecələr" adlı mahnısına çəkilən klipini təqdim edib.

Publika.az xəbər verir ki, mahnının sözləri və musiqisi Zülfi Bədəlov, aranjımanı isə Elvin Musayevə məxsusdur. Klipin rejissorluğu Dele Orucluya həvalə olunub. İfaçı ekran işindəki öz və modellərin stili üzərində özü çalışıb.

Yeni işindən bəhs edən Günay "Mahnı artıq bir neçə ildir ki, məndədir. Müəyyən səbəblərdən təqdim edə bilmirdim. Bu ilə qismət imiş. Düşünürəm ki, illər keçsə də, səs dəyişsə də, mahnı heç vaxt dəyişmir. Yaxşı mahnı həmişə yaşayır. Bu ərsəyə gələn iş də, inanıram ki, o mahnılar sırasına aid olar. Mahnını istəyim ilə səsimə uyğun olaraq Zülfi Bədəlov yazıb. Bizim işbirliyimiz daim yaxşı alınır. Biri-birimizi çox yaxşı başa düşürük" sözlərini əlavə edib.

Hər zaman dəbdəbəli səhnə kostyumlarında görməyə alışdığımız ifaçının klipdə frəqli stildə görünməsi diqqətdən qaçmayıb.