Cem Adrian AZAL-ın təyyarəsində ÖLÜMDƏN DÖNDÜ - FOTO/VİDEO

"Hamınız çox gözəl görünürsünüz. Məni bir qədər gözləməli oldunuz, amma səbəbi mən deyiləm, qismətdir. Burada olmaqdan çox məmnunam, sağ-salamat gəlib çıxa bildim. Bu gün mənim üçün özəl bir konsertdir. Həm də möcüzəvi bir gündür. Allah göstərməsin, bu gün bu səhnədə oxumaya bilərdim".

Publika.az xəbər verir ki, bu sözləri Bakı Konqres Mərkəzində konsert proqramı ilə çıxış edən məşhur müğənni Cem Adrian deyib.

İfaçı konsertin iki saatdan çox gecikməsi ilə bağlı səhnədə açıqlama verib. O, bildirib ki, buna səbəb “Azərbaycan Hava Yolları” (AZAL) aviaşirkətinin İstanbul-Bakı reysini yerinə yetirən "J2-076" nömrəli təyyarəsində yaranan texniki nasazlıq (ön şüşənin çatlaması) olub.

"Bədbəxt bir hadisə baş versəydi, bütün media məndən yazacaqdı. Odur ki, konsertin baş tutması mənim üçün həqiqətən möcüzəvidir. Təyyarə Bakıya 08:55 radələrində endi. Hava limanından birbaşa səhnəyə gəldim", - sənətçi qeyd edib.

Müğənni əlavə edib ki, musiqiçilərindən biri müəyyən səbəbdən hava limanından buraxılmadığı üçün konserti tək pianoçunun müşayiəti ilə ifa etməli olub.

Aytən Məftun

Bu gönderiyi Instagram'da gör

Cem Adrian (@cemadrian)'in paylaştığı bir gönderi