Oksana ağladı və ağlatdı - "Dram" səhnələri - VİDEO
Bizi izləyin

Magazin1

Oksana ağladı və ağlatdı - "Dram" səhnələri - VİDEO

Böyük məsuliyyət hissi ilə həssas işimizi sizinlə paylaşıram. Təqdimata gələn hər kəsə, bütün media işçilərinə dərin təşəkkürümü bildirirəm. Bu diqqətiniz çox dəyərlidir.

Publika.az xəbər verir ki, bu sözləri aparıcı Nurlana Cəfərova "Dram" şeiri əsasında çəkilən ekran işinin Nizami Kino Mərkəzində baş tutan təqdimat mərasimində deyib.

Aparıcı qeyd edib ki, layihə Tərlan Tağıyevin rejissorluğu ilə ərsəyə gəlib. Baş rolda Oksana Rəsulovanın çəkildiyi qısametrajlı film ailədə valideynlər tərəfindən zorakılığa məruz qalan uşaqlara həsr olunub.

Aparıcı bildirib ki, son illərdə bu cür hadisələrin tez-tez təkrarlanması onu dərindən sarsıdır. Odur ki, bu cür hadisələrə yox demək və cəmiyyətə bir mesaj ötürmək üçün belə bir işə imza atmağa qərar verib.

Nurlana Cəfərova deyib ki, qadınlara, uşaqlara qarşı şiddətin qarşısını almaq üçün əlindən gələni etməyə hazırdır:

"Biz cəmiyyət olaraq buna dur deməyi öyrənməliyik. Heç bir ailədə dram yaşanmasın, övladlarımız sevgi və sülh içində böyüsün".

Sonda aparıcı qeyd edib ki, Oksana Rəsulovanın sayəsində film çox təsirli alınıb: "Əziz Oksana Rasulova, sənin mükəmməl aktyorluq qabiliyyətin, istedadın mənim üçün sirr deyil. İllərdir səni izləyən, tanıyan biri kimi sadəcə o böyük ürəyinin qarşısında baş əyirəm. Səni hələ kəşf etməyənlər utansın!

Tarlan Tagiyev, çox sağ ol əməyin, səbrin və yaradıcılığın üçün! İlk çəkilişlərini gördüyüm an hiss etdiklərim məni yanıltmayıb".

Oxumağa davam et
Reklam
Reklam

Gündəm