Magazin1

Rita həkimin işinə dodaq büzdü - Əməliyyatdan narazıdır

6 Yanvar 2023 11:48

Müğənni Rita Dakota sosial şəbəkədə izləyicilərinə bildirib ki, plastik cərrahiyyənin növbəti qurbanlarından birinə çevrilib.

Publika.az xəbər verir ki, o, əməliyyat nəticəsində dodaqlarındakı asimmetriyadan xilas olmaq istəsə də, həkim dodaqlarına dolğu edib. Nəticədə müğənni böyük və dolğun dodaqlara sahib olub.

Müğənninin dediklərinə görə, o, dodaq korreksiyası etmək fikrində deyildi.

Onun sözlərinə görə, yuxarı dodaq bir qədər incələşib. Dodaqlarının rəngində də dəyişiklik müşahidə edilir. Lakin dodaq qələmi vasitəsilə qüsuru ört-basdır edə bilib.

İndi məşhur müğənni sosial şəbəkələrdə izləyicilərindən kömək istəyir. O, etiraf edib ki, nə edəcəyini bilmir və həkim onu şikəst edib.