Səidə qalmaqal yaşadığı RÖYADAN DANIŞDI: "Vicdanım rahatdır"

Müğənni Səidə Sultan Teleqraf.com-un suallarını cavablandırıb.

Onunla müsahibəni təqdim edirik:

- Yaxın günlərdə "Calm Down" mahnısının sözlərini dəyişərək Azərbaycan dilində ifa etdiniz. Sizi plagiatçılıqda günahlandırdılar və tənqid etdilər. Bu haqda nə deyə bilərsiniz?

- Mahnı çox geniş yayıldı. Tənqidin olması normal haldır və olmalıdır. Tənqidi fikir olmayanda maraqsız olur.

- Səidə xanım, şəxsi həyatınızda kimsə varmı?

- Xeyr. Şəxsi həyatımda kimsə olmayanda daha rahat oluram. Belə daha yaxşıdır, işləyə bilirsən. Sevəndə işləyə bilmirəm. Sevgiyə başım qarışır.

- Hər zaman eyni çəkidə qalırsınız. Bunun sirri nədir?

- İnanın ki, formada qalmağımın hər hansı sirri yoxdur. Hamı kimi yeyib-içib, yatıram. Arada kökəlir və arıqlayıram.

- "W-Trio"nun keçmiş üzvləri xalq artisti Röya Ayxan və Natavan Həbibi ilə qalmaqal yaşadınız. Hazırda həmkarlarınızla münasibətiniz necədir?

- Çox rahatam, kimisə incitməmişəm, qəlbinə dəyməmişəm. Vicdanım rahatdır və heç kəslə qərəzim yoxdur. Əksinə, sağlam rəqabət istəyirəm. Röya Ayxan düşmənim deyil. Biz hamımız doğmayıq. Bir-birimizdən incisək və küssək də ətimizi çölə atmırıq. Röya da, Natavan da mənə doğmadır.

- Nə zamansa Röya Ayxan və Natavan Həbibi ilə duet oxuya bilərsinizmi?

- Onlar tərəfindən təklif olsa niyə də yox.