31 ifaçı Aygün Kazımova üçün bir araya gəldi - VİDEO

Xalq artisti Aygün Kazımova 40 illik yaradıcılığını sənət dostlarının ifasında təqdim edib.

Publika.az xəbər verir ki, bunun üçün 31 sənət nümayəndəsi bir araya gəlib. Onlar Kazımovanın repertuarındakı mahnılara yeni nəfəs veriblər.

“Best of Aygun - All stars” adlı alboma daxil olan ifaçılar arasında Xalq artistləri Zülfiyyə Xanbabayeva, Tünzalə Ağayeva, Əməkdar artistlər Lalə Məmmədova, Abbas Bağırov, müğənnilər Zamiq Hüseynov, Günay İbrahimli, Gülay Zeynalova, İlhamə Qasımova, İradə İbrahimova, Səidə Sultan, Miro, Azad Şabanov, Aysel Əlizadə, Elnur Məmmədov, Nigar Camal, Ayaz Babayev, Ayan Babakişiyeva, ModTeen, Yap10, Rəsul Əfəndiyev, Elnarə Xəlilova, Dilarə Kazımova, Elvin Babazadə, Murad Arif, Nərmin Kərimbəyova, Mehin Hümbətova və Nuran, Kazım Can, Fərid Mailov, Xatun Əliyeva və "Döngə" qrupu yer alıb.

İlqarə Kazımova anasının repertuarından "Karie qlaza" mahnısını səsləndirib.

Tribyut albom üzərində 7 ay çalışıblar. Hətta Kazımovanın mahnılarını bundan əvvəl oxuyan ifaçılar onu yenidən aranjiman etdirərək, fərqli formada hazırlayıblar. Albom rəqəmsal platformada dinləyicilərin ixtiyarına verilib.

“Best of Aygun - All stars” albomunda yer alan bəzi ifaları dinləyicilər bundan əvvəl eşitsələr də, bir çoxu ilk dəfə təqdim olunub.