“Məhsəti” filminin qəhrəmanı: “Öpüşdüyüm şəxs..." - VİDEO

“Suadla film barədə danışanda ilk sualım bu oldu ki, film harada yayımlanacaq? Səhnəyə görə narahat idim. Yeri gəlmişkən, filmdə öpüşdüyüm şəxs mənim doğmaca ərimdir. Başınız qarışıq olmasın”.

Publika.az xəbər verir ki, bunu son günlər gündəmi zəbt edən “Məhsəti” filmində eyniadlı obrazı canlandıran aktrisa Fərqanə Abdulla deyib.

Aktrisa sosial media hesabında növbəti paylaşımında bildirib:

“Suadaya dedim ki, utanıram, atam-anam görər. Bunun görünməsini istəmirəm. Düşünürdüm ki, yəqin ancaq xaricdə yayımlanar, festivallarda göstərilər. Dedi ki, bu, festival filmidir. Sağ olsunlar... Azərbaycanda hamı gördü. Bunu tirajlayıb təkrar-təkrar niyə verirsiniz?!

Bir şeyin fərqinə vardım: insan nədən qorxursa, onu yaşayır. Təəssüf ki, Azərbaycanda nə etsən də, səni anlamırlar, anlamayacaqlar da. Bu, nə ilk olacaq, nə də son. Hələ çox məni meydanlara çıxarıb “daşlayacaqlar”. Əsəblərim ancaq bir ilə özünə gələr. Hər gün Azərbaycan gündəmində olmaq çox ağırdır.

Qəlbiniz nə qədər qara və daş olmalıdır ki, ağlınıza gələni yazmaq cəsarətini tapırsınız?”