Xoşqədəmin Aygün Bəylərlə bağlı paylaşımı: Övladları ilə... - VİDEO

Xoşqədəm Hidayətqızı sosial şəbəkə hesabında Aygün Bəylər haqqında paylaşım edib.

Publika.az xəbər verir ki, o, mərhum Əməkdar artistə olan dərin hörmət və sevgisini bu sözlərlə ifadə edib:

"Elə insanlar var ki, onlara toxunmaq olmaz, çünki onlar xalqın qəlbində ucaldıqları yerdə toxunulmaz olurlar. Aygün Bəylər də həmin nadir insanlardandır".

Aparıcı Aygün Bəylərin görüntüsünü paylaşaraq fikirlərini belə davam etdirib:

"Böyük sənətkar, səs, istedad… Ola bilər ki, rəsmi olaraq “Xalq artisti” adını almayıb, amma o, bu adın həqiqi sahibi idi. Səhnəyə çıxdığı ilk gündən... Bu xalqın yaddaşında səsi, sənəti, ləyaqəti ilə əbədi yer aldı. Onun ölümü mənə elə təsir etdi ki, sanki ən yaxınımı itirdim… Bu ağrı daim qəlbimdədir və onun xatirəsi heç vaxt silinməyəcək. Unutmayın, bəzi insanlar fiziki olaraq gedir, amma geridə elə bir iz qoyurlar ki, zaman belə o izi silə bilmir… Aygün Bəylər də məhz o izlərdən biridir".

Xatırladaq ki, tanınmış xanəndə Aygün Bəylər uzun müddət onkoloji xəstəliklə mübarizə aparandan sonra 2024-cü ildə vəfat edib.(Yeni Sabah)