Milyarderin sevgilisinin məşhur aktyora baxışları GÜNDƏM OLDU – VİDEO

Dünya şöhrətli milyarder, "Amazon"un yaradıcısı Ceff Bezos sevgilisi Lauren Sançezin dünən 10-cu "LACMA ART" adlı qala gecəsində aktyor Leonardo Di Kaprioya baxışları gündəm olub.

Publika.az xarici mətbuata istinadən xəbər verir ki, məşhur cütlük qırmızı xalça üzərinə çıxaraq paparatsilərə əl-ələ səmimi pozlar verib.

Aktyor Leonardo Di Kaprionun sponsorluq etdiyi gecədə milyarder sevgilisinin ulduza baxışları maqazin gündəminin əsas hadisəsi olub. Onun bu hərəkəti sosial şəbəkələrdə kəskin tənqid edilib.

Məlumat üçün bildirək ki, Ceff Bezos bir vaxtlarda sağ əli adlandırdığı 25 illik həyat yoldaşı Makkenzidən 2019-cü ilin yanvarında ayrılıb. Milyarderin xeyriyyəçi və yazıçı Makkenzi Skott ilə 25 illik nikahları nümunəvi hesab olunurdu. Onlar keşməkeşli yollardan keçiblər, 3 doğma oğullarını və bir övladlığa götürdükləri qızlarını böyüdüblər. Yeri gəlmişkən, "Amazon" şirkətini də iş adamı həyat yoldaşı ilə birlikdə qurmuşdu. Amerikanın varlı cütlüklərindən birinə çevrildikdən sonra onlar davamlı olaraq ehtiyacı olanlara xeyriyyəçilik yardımlar ediblər.

Bezos və Makkenzi Skott 2019-cu ildə boşanma xəbərləri ilə bütün dünyanı təəccübləndiriblər. Yaydıqları birgə açıqlamada qeyd edilirdi ki, nikahın pozulmasına baxmayaraq, onlar “tərəfdaş və dost” kimi qalacaqlar.

Mülkiyyətin bölüşdürülməsi zamanı Ceff keçmiş həyat yoldaşına varidatının dörddə birini – “Amazon”un 19,4 milyon səhmini (4 faizini) verib. Bu səhmlərin dəyəri 38,3 milyard dollar qiymətləndirilir.

Bundan sonra Makkenzi dərhal dünyanın ən varlı qadınlarının reytinqində 3-cü sırada qərarlaşıb. Skottun karyerası hazırda yüksəlişə doğru gedir. Koronavirus pandemiyası fonunda “Amazon” şirkətinin səhmlərinin bahalaşması sayəsində o, gəlirlərini xeyrli artıra bilib.