Mahsun Kırmızıgül 16 il sonra DİLƏ GƏLDİ: Astronomik qiymətə...

İlk konsert seçimim niyə televiziya oldu? Çünki Şərq, Ege, Aralıq dənizi, Qara dəniz, Mərmərə, İç Anadolunun kəndlərində və dünyanın hər yerində yaşayan pərəstişkarlarımın konsertləri izləmək imkanı yoxdur. İllərlə məni sevən, mahnılarımı bilən, məni bu günə gətirən insanların yeganə ailə əyləncəsi hələ də televiziyadır.

Publika.az xəbər verir ki, bu sözləri tanınmış aktyor, rejissor və müğənni Mahsun Kırmızıgül instaqramda yazıb. Müğənnilik karyerasına 16 il fasilə verən sənətçi 31 dekabrda televiziyada yayımlanacaq konserti barədə açıqlama verib:

“Mahnılarımı əvvəlcə rəqəmsal platformalara verə bilərdim və Yeni İl ərəfəsində istənilən məkanda astronomik qiymətlərə çıxa bilərdim. İllərdir olduğum yer bəllidir. Çəkdiyim filmlər sayəsində ən əlçatan ünsiyyət vasitəsi kimi televiziyanı seçdim ki, mənlə sonsuz sevgilərini paylaşan, sosial platformalarda heyranlıqlarını ifadə edən insanlar da məni izləyə bilsinlər. Buna görə də televiziya hələ də vacibdir”.