Magazin2

Ben Afflek və Cennifer Lopez toy etdilər - FOTO

21 Avqust 2022 10:22

Ben Afflek və Cennifer Lopez yaxınları və dostlarının iştirakı ilə toy mərasimi keçiriblər. Toy şənbə günü, avqustun 20-də aktyorun Corciya ştatındakı malikanəsində baş tutub.

Publika.az xəbər verir ki, bu barədə "Daily Mail" məlumat yayıb.

Nəşrin məlumatına görə, Ben Afflekin 8,9 milyon dollar dəyərində olan malikanəsində toya cütlüyün yaxın dostları və qohumları dəvət olunub. Belə ki, qonaqlar arasında onların əvvəlki nikahlarından olan uşaqları da yer alıb.

Mərasim üçün Cennifer Lopez "Ralph Lauren" gəlinliyini seçib. Ben Afflek ağ smokin və qara şalvarda mərasimə qatılıb.

Mərasimdən əvvəl Corciya əyalət polisi səmanı pilotsuz təyyarələr və helikopterlər kimi alçaq hündürlükdə uçan vasitələrin üzünə bağlayıb. Buna səbəb toyun sonunda atəşfəşanlığın planlaşdırıldığı olub.

Murad