Acun iş saatlarının çoxluğunu tənqid etdi: "2 saatda dünya xilas olur?"

İnsanların müəyyən saatlarda işə gəlməsinə qarşıyam. Bir gün belə bir gücüm olarsa, iş saatlarını 10:30-da başladaram. Başa düşə bilmirəm ki, insanlar niyə səhər tezdən oyanmalıdırlar? Niyə səhər saat 08:00 tıxacı var? Qoyun insanlar yatsın da.

Publika.az xəbər verir ki, bu sözləri türkiyəli iş adamı, "TV8" kanalının sahibi Acun Ilıcalı deyib.

Məşhur aparıcı qonaq olduğu proqramlardan birində iş saatlarından söhbət açıb.

"Niyə daha gec başlamır iş? Məsələn saat 11:00-da? Həmin 2 saatda dünya xilas olur? Zatən ölkələr arasında saat fərqi var, yayımı dərhal tuta bilmirsən. Səhər erkən oyanılmasına şiddətlə qarşıyam. Heç bir işçimi də səhər erkən oyatmamışam. Gecələr spontan iclaslarımız olur, amma ümumilikdə insanların rahat olmasını istəyirəm. İnsanlar çalışarkən xoşbəxt olmalıdır, həyat fəlsəfən budur" , - Acun bildirib.

Onun bu açıqlaması qısa zamanda sosial media seqmentində yayılaraq müzakirələrə səbəb olub. İzləyicilərin çoxu iş adamının fikirlərinə haqq qazandırıb.