Şahzadə Harridən növbəti sensasiya: - "Qardaşıma orqan donoru olmaq üçün..."

Şahzadə Harrinin son iddialarına görə ailəsi onu şahzadə Uilyam üçün orqan donoru olmaq üçün dünyaya gətirib.

Publika.az xəbər verir ki, yeni işıq üzü görən kitabı ilə əlaqədar ard-arda qalmaqallı açıqlamalar verən Sasseks hersoqu yenidən gündəmi çaxalayıb.

Şahzadə xatirələrində yazıb ki, ona uşaq yaşlarından təlqin edilib ki, şahzadə Uilyamın başına bir iş gələrsə, ona qan, qaraciyərin bir hissəsini, sümük iliyini və ya başqa bir orqanını bağışlamaq məcburiyyətindədir.

"Uilliyə bir şey olarsa, deyə dünyaya gətirildim" deyən Harri iddia edib ki, valideynləri, nənə və babaları qardaşını varis elan edib, o, isə qardaşının bir növ "ehtiyat hissələri" olub.

Memuarda şahzadə Harri Meqan Marklla münasibətin intim təfərrüatlarından da söz açıb. O, Botsvana səfərindən sonra "Soho House" otel otağında gələcək həyat yoldaşı ilə cinsi əlaqədə olduğunu təsvir edib. Bu, anası şahzadə Diananın ölümünün ildönümündə baş verib.

Məlumat üçün bildirək ki, şahzadə Harrinin "Ehtiyat" adlı xatirə kitabı dünən rəsmi olaraq satışa çıxarılıb.

Aytən Məftun