Teylor Sviftə görə başı bəladadır - London meri araşdırılacaq
Bizi izləyin
Aptekonline

Magazin2

Teylor Sviftə görə başı bəladadır - London meri araşdırılacaq

Teylor Sviftə görə başı bəladadır - London meri araşdırılacaq

London meri Sadiq Xan məşhur amerikalı müğənni Teylor Sviftin konsertinə pulsuz bilet qəbul etdiyinə görə araşdırılacaq.

Publika.az xəbər verir ki, bu barədə “BBC” bildirib.

Məlumata görə, araşdırmanın aparılmasını London Assambleyasının Mühafizəkarlar Partiyasından olan üzvləri tələb ediblər.

Sadiq Xan ötən il avqustun 15-də Teylor Svifti Londondakı Uembli stadionunun xüsusi lojasından izləmək üçün özəl tədbirlər təşkil edən bir şirkətdən 3 min funt-sterlinq dəyərində 6 pulsuz bilet qəbul edib. Onunla birlikdə lojada “City Hall”un beş əməkdaşı, o cümlədən iki yüksəkvəzifəli şəxs də olub.

Sadiq Xanın qəbul etdiyi biletlərin bəyanatı rəsmi “City Hall” reyestrində düzgün və vaxtında təqdim edilməyib.

Merin mətbuat xidmətinin nümayəndəsi isə bildirib ki, hədiyyə şəffaf şəkildə bəyan edilib, lakin inzibati səhv nəticəsində qeydlərdə gecikmə baş verib və bu hal daha sonra düzəldilib.

Oxumağa davam et
Reklam
Reklam

Gündəm

Aptekonline