Yayda milyonlar xərclənəcək iki toy olacaq: Varlılar evlənir, kasıblar etiraz edir

Bu yay dünya elitasında mövsümün ən səs-küylü hadisəsi olacağını vəd edən iki toy baş tutacaq.

Publika.az bu barədə "Page Six"ə istinadən xəbər verir.

Toyların ümumi dəyəri on milyonlarla dollar qiymətləndirilir.

Huma Abedin və Aleks Soros iyunun 14-də Hemptonsda evlənəcəklər

Hillari Klintonun keçmiş köməkçisi, 48 yaşlı Huma Abedin maliyyəçi Corc Sorosun oğlu, 39 yaşlı Aleks Sorosla evlənir. Məclis Nyu-Yorkun Hamptons qəsəbəsində, Soros ailəsinin 14,5 milyon dollar dəyərindəki malikanəsində keçiriləcək. Qonaqların Manhettendən helikopterlə çatdırılması planlaşdırılır.

Toyda Hillari və Bill Klintonun, Anna Vintur və digər siyasi və sosial elitanın nümayəndələrinin iştirakı gözlənilir.

Bezos və Sançesin 24-26 iyun tarixlərində dəbdəbəli toyu - Venesiya

Soros və Abedinin toyundan 10 gün sonra eyni dərəcədə gözlənilən hadisə baş verəcək: Amazonun qurucusu Ceff Bezos (61) və teleaparıcı Loren Sançesin (55) toyu. Mərasim Venesiyanın San Corcio Maccore adasında keçiriləcək.

Tədbirin büdcəsi təxminən 10 milyon dollar qiymətləndirilir. Bezos və Sançes qonaqları üçün "Aman Canal Grande" və "Cipriani" də daxil olmaqla beş lüks otel sifariş ediblər.

Bildirilir ki, eyni zamanda şəhər sakinləri milyarderlərin toylarına qarşı etiraz aksiyaları hazırlayırlar. "Venesiya zənginlər üçün oyuncaq deyil", - deyə fəal Rucero Tallon bildirib. Şəhər rəsmiləri toyun dincliyi pozmayacağına və bütün tədbirlərin “şəhərin unikallığına hörmətlə yanaşacağına” söz veriblər.

Bələdiyyə üzvləri hətta Bezosu Venesiyanın bərpası və münasib qiymətə mənzil tikmək üçün bir fonda ianə verməyə dəvət ediblər.

Adəm