Derya Uluğa səhnə şoku: Başına görün nə atıldı - VİDEO

Türkiyəli müğənni Derya Uluğ Şanlıurfada verdiyi konsertdə gözlənilməz hadisə ilə üzləşib.

Publika.az xəbər verir ki, konsertin ən həyəcanlı anlarında tamaşaçılardan biri tərəfindən səhnəyə su şüşəsi atılıb.

Bundan təəccüblənən müğənni peşəkar şəkildə ifasına davam edib. O, konsertdən sonra “İnstagram” hesabında bununla bağlı paylaşım edib:

"Bir nəfərin səhvi gecənin və Urfanın gözəlliyinə kölgə sala bilmədi. Ümid edirəm ki, bunu heç kim yaşamaz və ya heç kimə yaşatmaz. Ani reflekslərim sağ olun".

Şanlıurfa konsertində baş verən bu hadisə daha əvvəl yaşanan bir məsələsini gündəmə gətirib. Təxminən 1,5 ildir Uluğ və sevgilisinin həyatını kabusa çevirən Şinasi Səməd Türkmən adlı pərəstişkarlardan biri məhkəmə nəzarəti və qadağa qərarına baxmayaraq son həftələrdə Uluğun konsertlərinə qatılır.

Yaşanan vəziyyət sənətçinin təhlükəsizliyi ilə bağlı narahatlıqları artırıb və Uluğ sosial media hesabından yardım çağırışı edib.

Bu hadisələrdən sonra Türkmən həbs edilib.

Roza