Ən çox və ən az pensiyanı bu sənətçilər alır - MƏBLƏĞ

Rusiyalı sənətçilər hər ay aldıqları təqaüdün məbləğini açıqlayıblar. Onların bəziləri “minimum əmək haqqı” civarındadır, digərləri isə kifayət qədər böyük məbləğlərdir.

Publika.az xəbər verir ki, "kp.ru" saytı rusiyalı məşhurların təqaüdlərini hesablayıb.

Müğənni Yuri Loza fevral ayında 70 yaşını qeyd edib. O, 16 min rubl (293 manat) pensiya almağından şikayət edib. Sənətçinin sözlərinə görə təqaüdünün az olması, əlavə gəlir yeri - radioda, televiziyada səsləndirilən, karaokedə oxunan əsərlərinə görə qonorar almağıdır. Yuri Loza həmkarları üçün mahnılar da yazır. Nəşrin məlumatına görə, müğənninin müəllif hüquqları onun pensiyasından heç də az deyil.

Roza Syabitova, Natalya Arinbasarova, Natalya Gulkina, Regina Dubovitskaya, Yekaterina Semenova, Amoyak Akopyat kimi sənətçilərin də təqaüdü ortalama 16 min rubl (293 manat) civarındadır.

Müğənni Yekaterina Semenova öz növbəsində bildirib ki, pensiyanın bu miqdarı insanları işləməyə həvəsləndirir. Onun fikrincə, əgər insan kasıb olmaq istəyirsə, əslində pulu olsa belə, belə olacaq.

17 min rubl təqaüd alan 69 yaşlı aktyor Viktor Bychkov fərdi sahibkar kimi qeydiyyata alınıb və buna görə də işləməyən pensiyaçı kimi müavinət almaq hüququ yoxdur. O, bir dəfə Pensiya Fonduna 60 min rubl "borcu olduğunu" söyləyib.

Bir neçə gün əvvəl 60 yaşlı müğənni Lolita sosial şəbəkələrdə təqaüd şəhadətnaməsini paylaşıb.

Məşhur müğənni “Mənim pensiyam 23 min 856 rubl 55 qəpikdir (439 manat)”, deyə qeyd edib.

69 yaşlı müğənni Tatyana Antsiferova Lolita kimi ödəniş alır. O, fəxri adı olmadığı üçün bu məbləğə sahib olduğunu qeyd edib.

"İndi təəssüflənirəm ki, 90-cı illərdə bunu etməyi təklif edəndə imtina etdim", - deyə o, nəşrə müsahibəsində bildirib.

Yazıda qeyd olunur ki, Moskvada qeydiyyatdan keçən sənətçilərə verilən “Əməkdar artist” və ya “Xalq artisti” titulları onların aylıq ödənişini xeyli artırır.

Məşhur teleaparıcı Nikolay Drozdov hər ay aldığı məbləği açıqlamağa utanıb. Drozdov təkcə 1967-ci ildən davamlı təcrübəyə malik deyil, həm də professordur və Ryazan vilayətinin fəxri vətəndaşıdır ki, bu da ona ömürlük ödəniş almağa imkan verir. Televiziya aparıcısı hazırda 40 min rubl (733 manat) alır.

Dmitri Dibrov, Larisa Rubalskaya, Lion Izmailov, Edita Piekha, Janna Aguzarova, Olga Zarubina, Aleksandr Druz ortalama aylıq 33 mindən 40 min rubla qədər təqaüd alırlar.

Yaşına, dövlət mükafatına, tituluna görə mükafatı olan sənətçilər daha böyük məbləğ alırlar. Onlar orta hesabla təxmini hər ay 60-75 min rubl (1 100 - 1 370 manat) qazanırlar.

Cəmilə