51 yaşında ilk dəfə ana oldu: "Kral əkizlər" dünyaya gətirdi - FOTO

Rusiyanın Adıgey Respublikasında 51 yaşlı qadın ilk dəfə ana olub. Uzun müddət sonsuzluqdan əziyyət çəkən qadın süni mayalanma (EKO) prosedurundan sonra əkiz dünyaya gətirib.

Publika.az xəbər verir ki, bu barədə respublikanın Səhiyyə Nazirliyinin mətbuat xidməti məlumat yayıb.

Bildirilib ki, qadın Maykop şəhər Klinik Xəstəxanasının poliklinikasının mütəxəssislərinin göndərişi əsasında pulsuz EKO prosedurundan keçib. Həkimlər hamiləlik müddətində onun səhhətini daim nəzarətdə saxlayıblar.

Doğuş hamiləliyin 37-ci həftəsində baş tutub. Dünyaya gələn əkizlər fərqli cinsdədir: oğlan uşağının çəkisi 2600 qram, boyu 48 santimetr, qız uşağının isə çəkisi 2050 qram, boyu 47 santimetrdir.

Qeyd edək ki, Rusiyada EKO proseduru icbari tibbi sığorta sisteminə daxildir. Qadınlar həkim müayinələrindən sonra bu prosedur üçün kvota əldə edə bilirlər.

Tibbdə oğlan və qız əkizlərin dünyaya gəlməsi dizigotik, yəni iki ayrı yumurta hüceyrəsindən inkişaf edən əkizlik adlanır. Xalq arasında isə belə əkizlərə “kral əkizləri” deyilir. Bu adlandırma hər iki cinsdən uşağın eyni vaxtda dünyaya gəlməsini ifadə edir.

Adəm